Qostanaıda er adam traktormen adasyp ketti
QOSTANAI. QazAqparat – Qostanaı oblysy TJD qyzmetkerleri dalada adasyp ketken 42 jastaǵy er adamdy qutqardy, dep habarlaıdy QazAqparat vedomstvonyń baspasóz hatshysy Ýálıhan Dosanovqa silteme jasap.
Ý.Dosanovtyń aıtýynsha, «112» nómirine áıel adam habarlasyp, kúıeýiniń traktorymen úıden shyǵyp ketip, oralmaǵanyn aıtqan. Іzdeý sharalaryna órt sóndirý qyzmetiniń jedel qutqarý jasaǵynyń qyzmetkerleri men Qostanaı aýdanynyń TJ bóliminiń qutqarýshylary, sondaı-aq, polıtseıler jumyldyryldy.
«42 jastaǵy er adam Qostanaı aýdanynyń Sormov jáne Aleksandrov aýyldarynyń arasynda adasyp ketkeni anyqtaldy. Ony túngi 03:00 shamasynda «Qostanaı-Meńdiqara» avtojolynda baıqadyq. Biz der kezinde kelippiz, keshikkenimizde ol tońyp qalar edi. Sol kúni óńirde daýyldy eskertý jarııalanǵan. Jańbyr jaýyp, túnde aýa temperatýrasy tómendedi. Biraq soǵan qaramastan, ol jolǵa shyǵyp ketken. Qutqarýshylardy onyń áıeli shaqyrdy, óziniń telefony sónip qalypty. Biz ony Sormov aýylyndaǵy úıine deıin apardyq», – dedi Qostanaı aýdanynyń TJB Azamattyq qorǵaý maıory Serik Dembaev.
