Qostanaıda er adam tanysyn pyshaqtap tastady
QOSTANAI. QazAqparat - Qostanaı qalasynda 40 jastaǵy er adamdy óltirip ketti, dep habarlaıdy QazAqparat tilshisi.
Qaıǵyly oqıǵa 12 qyrkúıek kúni Qostanaıda boldy. Bul aqparatty Qostanaı oblystyq prokýratýrasy da rastady. Oblystyq prokýratýranyń málimetine súıensek, qylmys jasalǵan kúni Qostanaı qalasy ІІB «Kisi óltirý» isi boıynsha sotqa deıingi tergeý sharalaryn júrgizgen.
«Aldyn ala belgili bolǵan málimetter boıynsha, kisi ólimi spırttik ishimdik ishý kezinde bolǵan. Kúdikti óz tanysynyń keýde tusyna pyshaq suqqan. Qylmys ashyldy», - dedi oblystyq prokýratýranyń basqarma basshysy Qaırat Júsipov.
«Kisi óltirý» isi boıynsha 43 jastaǵy kúdikti ustaldy. Tergeý jumystary oblystyq prokýratýranyń qaraýynda.
