Qostanaıda er adam shaqyrtýǵa kelgen dárigerlerdiń kóligin minip ketken
ASTANA. KAZINFORM - 19 qyrkúıekke qaraǵan túni Qostanaı polıtsııasy naýqastyń shaqyrtýyna kelgen jeke klınıka dárigerleriniń kóligi urlanǵany týraly habar aldy. Tártip saqshylary birden "Ustaý" josparyn engizdi.
Kúdiktini qolǵa túsirý barysynda 39 jastaǵy júrgizýshiden ishimdiktiń ıisi shyǵyp turdy. Alaıda ol medıtsınalyq tekserýden bas tartty.
Polıtseılerdiń zańdy talaptaryn oryndamaǵany úshin sot oǵan 15 táýlikke qamaýǵa alý jazasyn taǵaıyndady jáne segiz jyl merzimge kólik quralyn basqarý quqyǵynan aıyrdy.
Kólikti zańsyz aıdap ketý faktisi boıynsha qylmystyq is qozǵaldy, endi qostanaılyq azamat eki jylǵa deıin bas bostandyǵynan aıyrylýy múmkin.
Qostanaıda sport fakýltetinde oqıtyn stýdent esirtki taratqany úshin 11 jylǵa bas bostandyǵynan aıyrylǵanyn jazǵan edik.