Qostanaıda er adam ózimen birge turatyn áıeldi pyshaqtap óltirdi
QOSTANAI. QazAqparat - Qostanaı oblysynda 38 jastaǵy er adam ózimen birge turatyn áıeldi pyshaqtap óltirdi, dep habarlaıdy QazAqparat.
Oqıǵa Áýlıekól aýdanynda bolǵan. Er adam ózimen birge turatyn 26 jastaǵy áıeldi pyshaqpen urǵan. Jábirlenýshi oqıǵa ornynda kóz jumdy. Artynsha kúdikti páterden qashyp ketken. Aqparatty oblystyq ІІD baspasóz qyzmeti rastady.
«38 jastaǵy Áýlıekól aýdanynyń turǵynyna qatysty QR QK 99-baby boıynsha sotqa deıingi tergep-tekserý sharalary júrgizilýde. Kúdikti ýaqytsha ustaý ızolıatoryna qamaldy», - dedi ІІD baspasóz qyzmetindegiler.
