Qostanaıda er adam qaraýsyz qalǵan angarda asylyp qalǵan
QOSTANAI. QazAqparat - Qostanaıda Jeńis kóshesindegi qaraýsyz qalǵan angarlardyń birinen asylyp qalǵan er adam tabyldy. Bul faktige qatysty Qostanaı oblystyq ІІD baspasóz qyzmeti túsinik berdi, dep habarlaıdy «QazAqparat» HAA tilshisi.
Jergilikti BAQ-ta habarlanǵandaı, er adamnyń denesin 27 naýryz kúni jasóspirimder kezdeısoq taýyp alǵan. Olar quqyq qorǵaý organdaryn shaqyrǵan.
Bul faktini polıtseıler rastady.
«27 naýryz kúni Jeńis kóshesindegi qaraýsyz qalǵan angardan 30 jastaǵy er adamnyń máıiti tabyldy. Qazirgi tańda «óz-ózine qol jumsaýǵa ıtermeleý» baby boıynsha sotqa deıingi tergeý jumystary júrgizilip jatyr», - dep túsindirdi vedomstvodan.
Atalmysh fakti boıynsha sot-medınıtsalyq saraptamasy taǵaıyndaldy.
