Qostanaıda er adam balasyn baltamen uryp óltirdi

QOSTANAI. QazAqparat – Qostanaıda ákesi men balasynyń arasynda týyndaǵan janjaldyń sońy qaıǵyly boldy, dep habarlaıdy QazAqparat Qostanaı oblystyq polıtsııa departamentiniń baspasóz qyzmetine silteme jasap.

Polıtsııa basqarmasy oblys ortalyǵynyń 30 jastaǵy turǵynyn óltirý faktisi boıynsha sot aldyndaǵy tergep-tekserý amaldaryn júrgizýde, ol sot aldyndaǵy tergeýdiń Biryńǵaı tiziliminde Qylmystyq kodekstiń 99-babynyń 1-bólimi («Adam óltirý») boıynsha tirkelgen.

«Janjal ákesi men balasynyń spırtti ishimdik ishýi saldarynan týyndaǵan jáne urys kezinde kúdikti (ákesi) balasynyń basynan baltamen uryp jaraqattaǵan. Qylmys jasady degen kúdikpen 73 jastaǵy er adam ustaldy. Іstiń mán-jaıyn jan-jaqty, tolyq ári obektıvti anyqtaý maqsatynda tıisti jumystar júrgizilip jatyr», - dep túsindirip ótti polıtsııa departamentinen.

Polıtsııada osyǵan uqsas qylmystarǵa jol bermeý maqsatynda alkogoldik ishimdikter ishýden bas tartýǵa, otbasy men jumysta salaýatty ómir saltyn ustanýǵa shaqyrady.

Janna Musabaeva