Qostanaıda er adam aldymen kóńildesin, artynan ózin atyp óltirdi
QOSTANAI. QazAqparat - Qostanaı oblysy Uzynkól aýdanynyń Ershov aýylynyń mańynda kólikten eki adamnyń máıiti tabyldy, dep habarlaıdy «QazAqparat» HAA tilshisi.
Aqparatty oblystyq ІІD baspasóz qyzmeti rastady.
«Oqıǵa 28 jeltoqsanda Uzynkól aýdanynyń Ershov aýylynan bes shaqyrym jerde bolǵan. «Shevrole-Nıva» avtokóliginiń ishinen eki adamnyń múrdesi tabyldy. Sotqa deıingi tekserý sharalarynan anyqtalǵandaı, 60 jastaǵy er adam 47 jastaǵy áıeldi ańshy myltyǵymen óltirip, artynsha ózin atqan», - dep habarlady oblystyq ІІD baspasóz qyzmeti.
QazAqparat tilshisine málim bolǵandaı, er adam 47 jastaǵy áıelmen kóńil jarastyryp júrgen. Keıin kóńildesiniń basqamen hat almasqanyn kórip, ony óltirgen. Osy kúni óziniń áıeline qońyraý shalyp, qoshtasqan desedi.
Qazirgi ýaqytta sot-medıtsınalyq saraptamasy taǵaıyndalyp, jedel tergeý toby jumys istep jatyr.
