Qostanaıda elik atqandar ustaldy
QOSTANAI. QazAqparat - Polıtseıler Meńdiqara aýdanynda zańsyz sibir eligin atqan brakonerlerdi ustady, dep habarlaıdy QazAqparat tilshisi oblystyq ІІD baspasóz qyzmetine silteme jasap.
Kúdikti Borovskoı orman sharýashylyǵynda kózge tústi.
«26 jeltoqsanda Qasqat aýylynyń mańynda kólik izderi jáne qan daqtary kórindi. Arnaıy qurylǵan jedel top iz kesip, kúdiktiniń úıin tapty», - delingen vedomstvonyń baspasóz habarlamasynda.
59 jastaǵy úı ıesiniń eki sibir eliginiń terisin jasyrǵany anyqtaldy. Al qarý 65 jastaǵy Qasqat aýyly turǵynyna tıesili bolǵan.
Qazirgi ýaqytta saraptama jasalyp, QR QK 337-babynyń 1-bóligimen sotqa deıingi tergeý sharalary júrgizilýde.
