Qostanaıda elik atqan úsheý bir jylǵa sottaldy
QOSTANAI. QazAqparat - Qostanaı oblysy aýmaǵynda elik atqan brakonerler ustaldy, dep habarlaıdy «QazAqparat» HAA tilshisi oblystyq sottyń baspasóz qyzmetine silteme jasap.
«Denısov aýdanynyń Arhangelskıı aýylynan 5 shaqyrym alqapta zańsyz ań aýlaǵan 3 azamat qolǵa tústi. Olar elik atyp, memleketke 601 250 teńge materıaldyq zalal keltirdi. Osylaısha, aıyptalýshylar qylmystyq quqyqbuzýshylyqqa jol berdi», - delingen vedomstvonyń habarlamasynda.
Sot otyrysynda brakonerler kinálaryn moıyndap, ókinetinderin jetkizdi. Memleketke keltirilgen shyǵyn somasy óteldi. Sot úkimimen olar kináli dep tanylyp, árqaısysyna bir jyl bas bostandyǵynan aıyrý jazasy taǵaıyndaldy. Buǵan qosa olar mingen avtokólik pen qarý memleket menshigine ótti.
