Qostanaıda «Elektrondy qylmystyq is» jobasy iske qosyldy

QOSTANAI. QazAqparat - Qostanaıda kólik jyldamdyǵyn ólsheıtin 8 baǵdarlamalyq keshen iske qosyldy, dep habarlaıdy QazAqparat tilshisi.
None
None

Jolda júrý qaýipsizdigin qamtamasyz etýde qoldanylatyn beınebaqylaý monıtorlarynyń jumysy sapaly bolýy tıis. Osy másele Qostanaı oblysy ákiminiń orynbasary Meıirjan Myrzalıevtiń tóraǵalyǵymen ótken tsıfrlanyrýǵa baılanysty jıynda qozǵaldy.

Qostanaı oblysy ІІD bastyǵynyń orynbasary Bolatbek Jumaǵalıevtiń sózinshe, qaýipsizdik salasyna tsıfrlyq tehnologııany engizý qoǵamdyq tártipti nyǵaıtýǵa septigin tıgizedi.

«Oblys boıynsha Qostanaı jáne Rýdnyı qalalarynda 2 jedel basqarý ortalyǵy jumys isteıdi. Ortalyq qalalardyń tsıfrly kartasyn paıdalaný arqyly birneshe qylmystyń betin ashty. Máselen, ótken 70 kúnde 9668 quqyqbuzýshylyq tirkeldi. Memleket qazynasyna 17 mln 940 myń teńge qarajat óndirilgen. Jýyrda kólik jyldamdyǵyn ólsheıtin 8 baǵdarlamalyq keshen ornatyldy», - dedi B.Jumaǵalıev.

Sonymen qatar oblystyq ІІD jaqynda «Elektrondyq qylmystyq is» pılottyq jobasyn iske qosty. Basty maqsat - qylmystyq sot isin júrgizýge sandyq tehnologııalardy engizý, onyń aıqyndyǵyn arttyrý, qylmystyq protsestiń merzimin qysqartý, sondaı-aq qaǵaz jumystaryn ońtaılandyrý.

«Elektrondyq qylmystyq is» jobasy aıasynda iz kesýshiler men tergeýshilerge 284 qurylǵy satyp alyndy. Oǵan 206 mln teńge qarajat jumsalǵan. 2018 jyly tártip saqshylary 364 planshetpen jaraqtandyrylady. Endi jol qaýipsizdigi erejesin buzǵany úshin hattamany toltyrý úshńn tıisti azamattyń JSN engizýi jetkilikti, qalǵandaryn júıeniń ózi taýyp beredi. Buryn hattama keminde 30 mınýt toltyrylsa, ol endi 5 mınýtqa deıin qysqarady», - dep túsindirdi polıtseı.

Jıynda belgili bolǵandaı, ІІD jedel basqarý ortalyǵyn ATS Soral jáne «Avtonavıgator» baǵdarlamalyq qurylǵylarymen qamtamasyz etiledi. Osy maqsatta 77,8 mln teńge qarastyrylǵan.

Сейчас читают