Qostanaıda elde balamasy joq fýtbol alańy ashyldy
QOSTANAI. QazAqparat - Qostanaı qalasynda «TOBYL ARENA» fýtbol manejiniń ashylý rásimi ótti, dep habarlaıdy QazAqparat.
Oblystyq dene shynyqtyrý jáne sport basqarmasy basshysynyń mindetin atqarýshy Azamat Begalın aıtqandaı, atalǵan joba memlekettik-jekemenshik áriptestik baǵdarlamasy sheńberinde júzege asyryldy. Jabyq fýtbol maneji UEFA barlyq standarttaryna sáıkes keledi jáne jattyǵýlar men jarys ótkizýge arnalǵan.
«Elimizde balamasy joq alań 3000 jankúıerge shaqtalǵan. Qurylys kólemi 16 195,0 sharshy metrdi qurady. Jobanyń jalpy quny - 4,2 mlrd teńge. Jańa fýtbol ınfraqurylymy fýtbol ortalyqtary jáne balalar men jasóspirimder sport mektebiniń jas fýtbolshylaryna jyl boıy oqý-jattyǵý jumystaryn ótkizýge múmkindik beredi», - deıdi Azamat Begalın.
Qostanaı oblysynda 971 fýtbol úıirmesi jumys istese, 373 fýtbol mamany dáris ótkizedi. Fýtbol bólimsheleri 20 sport mektebinde ashylǵan, barlyǵy 2919 jas oıynshy fýtbol oınaý sheberligin shyńdaýda.
Aıta keteıik, keshe fýtboldan el birinshiligi bastalǵan bolatyn.
