Qostanaıda ekologııa bóliminiń basshysyna qatysty is tergelýde

QOSTANAI. QazAqparat –Oblystyq tabıǵı resýrstar jáne tabıǵat paıdalanýdy retteý basqarmasy Ekologııalyq retteý bóliminiń basshysyna qatysty is tergelýde, dep habarlaıdy QazAqparat.

Qostanaı oblysy sybaılas jemqorlyqqa qarsy kúres qyzmetiniń málimetine súıensek, qazir bólim bastyǵyna qatysty sotqa deıingi tergeý jumystary júrgizilip jatyr.

«Ekologııalyq retteý bóliminiń basshysy jeke kásipkerden 10 myńnan 50 myń teńgege deıin birneshe ret para alǵan degen kúdikke ilinip otyr. Ol qorshaǵan ortany qorǵaý boıynsha jobalarǵa qatysty tıisti qujattardyń rásimdelý merzimin jedeldetý jáne oń sheshim qabyldanýy úshin osy qamadǵa barǵan. Qazir tergeý júrip jatyr. Kúdiktige qatysty sońǵy sheshimdi sot otyrysy shyǵarady», - dep habarlady vedomstvonyń baspasóz qyzmeti.