Qostanaıda eki jumysshy káriz qudyǵynda ýly gazǵa ýlanyp qalǵan

QOSTANAI. QazAqparat – Qostanaıda tehnıkalyq qudyqtan ýly gazǵa ýlanyp qalǵan eki jumysshy shyǵaryldy, dep habarlaıdy QazAqparat tilshisi oblystyq Tótenshe jaǵdaılar departamentiniń baspasóz qyzmetine silteme jasap.

Vedomstvonyń habarlaýynsha, 16 tamyz kúni saǵat 22:41-de Qostanaı oblysy TJD-nyń jedel-qutqarý jasaǵy kezekshi bólimine tótenshe jaǵdaıdyń kýágeri bolǵan azamattan qońyraý túsken.

«Qostanaıdyń saýda kásiporyndarynyń biriniń ashyq aýmaǵyndaǵy káriz tazartý qudyǵynda es-tússiz jatqan 1990 jáne 1991 jylǵy eki jumysshy tabyldy. Tundyrǵyny tazartý kezinde zardap shekkender ýly gazdyń qurbany bola jazdaǵan», - dedi TJD ókili.

8 mınýttan keıin, 22:49-da qutqarýshylar barlyq jabdyqtarmen oqıǵa ornyna jetken, tynys alý apparatyn kıip, arqannyń kómegimen qudyqqa túsken. Eki-úsh metr tereńde jatqan jumysshylar qutqaryldy.

«Ammıak jáne kúkirtsýtekpen ýlanǵandardyń jaǵdaıy aýyr boldy. Olardyń bireýine qutqarýshylar dáriger kelgenge deıingi alǵashqy kómek kórsetken, ári qaraı ekeýi de dárigerlerge tapsyryldy. Qazirgi kezde zardap shekkender aýrýhanada jatyr, jaǵdaıy qanaǵattanarlyq», - dep qorytty vedomstvodan.

Avtory Janna Musabaeva