Qostanaıda eki jigit ıt urlap, ony jemek bolǵan
QOSTANAI. QazAqparat - Naýryzym aýdanynyń Qaramendi aýylynda ıt urlap, ony jemek bolǵan turǵyndar ustaldy, dep habarlaıdy QazAqparat tilshisi oblystyq sottyń baspasóz qyzmetine silteme jasap.
Naýryzym aýdandyq sotynda «Urlyq» baby boıynsha qylmystyq is medıatsııa tártibimen qaraldy. Іs materıaldaryna súıensek, Qaramendi aýylynda saǵat túngi 02:00-ler shamasynda eki jas jigit bógdeniń aýlasyna kirip, quny 10 myń teńge turatyn ıtti urlap ketken. Olar ıtti óltirip, ony jep qoımaq bolǵan. Alaıda, urylardyń bul áreketine tosqaýyl qoıyldy.
«Kúdiktiler jábirlenýshige aıtarlyqtaı shyǵyn keltirdi. Urlyq jasaǵan eki turǵyn óz kinálaryn moıyndap, ókinetinderin jetkizdi. Negizgi sot otyrysynda jábirlenýshi sotqa medıatsııa kelisimi boıynsha jasalǵan qujatty kórsetti. Kúdiktiler ıttiń ıesinen resmı keshirim surady», - delingen oblystyq sottyń habarlamasynda.
