Qostanaıda eki vagon relsten shyǵyp ketti
QOSTANAI. QazAqparat - Qostanaı oblysynda vagondardyń relsten shyǵyp ketýi saldarynan «Astana-Mańǵystaý» jolaýshylar poıyzy keshiktirildi, dep habarlaıdy QazAqparat oblystyq TJD baspasóz qyzmetine silteme jasap.
Oqıǵa búgin Áýlıekól aýdanyndaǵy Qazanbasy stansasynda oryn aldy.
«Búgin saǵat 06.45-te departamenttiń kezekshi bólimine vagondardyń relsten shyǵyp ketkeni týraly aqparat kelip tústi. Qıyrshaq tas tıelgen 2 vagonnyń apatqa ushyraýyna dóńgelekteriniń isten shyǵýy sebep bolǵan», - dep habarlady oblystyq TJD baspasóz qyzmetindegiler.
Atalmysh oqıǵa saldarynan № 37 «Astana-Mańǵystaý» jolaýshylar poıyzy kidirip qaldy. Qazirgi ýaqytta Qazanbasy temirjol stansasynyń jumysshylary jóndeý-qalpyna keltirý sharalaryna jumyldyrylǵan.
Illıýstratsııalyq foto
