Qostanaıda eki qymbat kólik urlandy
QOSTANAI. QazAqparat - Qostanaı qalasynda «Lexus LX 570» jáne «TOYOTA Land Cruiser» markaly avtokólikter qoldy boldy, dep habarlaıdy «QazAqparat» HAA tilshisi.
Tártip saqshylarynyń málimetinshe, «Lexus LX 570» keshe túnde urlanǵan. Shyǵyn kólemi - 35 mıllıon teńge.
«Avtokólik «Naýryz» shaǵyn aýdanyndaǵy kólik ıesi úıiniń aýlasynda turǵan. Bul kólikke dabyl júıesi ornatylǵan», - dedi oblystyq ІІD baspasóz hatshysy Irına Bejenar.
Ekinshi kólik Voınov-Internatsıonalıstov kóshesinde urlandy. Onyń quny - 9 mıllıon teńge.
Qazir QR QK 200-baby, 1-bóligi boıynsha sotqa deıingi tergeý amaldary júrip jatyr.
Aıta keteıik, jyl basynan beri Qostanaı oblysynda 231 ret kólik urlyǵy tirkelgen. Onyń ishinde tek 165 is qana ashylǵan.
