Qostanaıda eki kóp qabatty úı qorshaýǵa alyndy
QOSTANAI. QazAqparat – Qostanaı qalasynda kóp qabatty úı karantınge jabyldy, dep habarlaıdy QazAqparat Qostanaı qalasy ákiminiń baspasóz qyzmetine silteme jasap.
«2020 jyldyń 22 sáýiri saǵat 20:00-den bastap Qostanaıdaǵy eki kóp qabatty turǵyn úı 14 kúnge karantınge jabyldy. Buǵan úı turǵyndarynyń birinde COVID-19 oń nátıjelerdiń anyqtalýy sebep boldy. Kireberis esikterde týrnıket júıesi ornatylǵan. Quqyq qorǵaý organdary qyzmetkerleriniń kezekshiligi qarastyryldy. Turǵyndarǵa azyq-túlik jetkizý qyzmetterin paıdalanýǵa, sondaı-aq týystary tarapynan qajetti zattardy alýǵa ruqsat etiledi. Esik aldynda qoqys konteınerleri ornatylǵan», - delingen baspasóz qyzmetiniń habarlamasynda.
Sonymen qatar, Narımanov kóshesindegi 71-úıde 71 páter, L.Beda kóshesindegi 44-úıdegi 45 páter karantınge jabyldy. Karantındik is-sharalardy baqylaý úshin 72 polıtseı eki aýysymda jumys isteıdi.
