Qostanaıda eki kólik soqtyǵysyp, bir adam kóz jumdy
QOSTANAI. QazAqparat – Qostanaı qalasynda jol-kólik oqıǵasy saldarynan bir adam kóz jumdy, dep habarlaıdy QazAqparat.
Oblystyq Polıtsııa departamenti baspasóz qyzmetiniń málimetinshe, oqıǵa Oral kóshesindegi janar-jaǵarmaı beketiniń mańynda bolǵan.
«55 jastaǵy «Oka» kóliginiń júrgizýshisi 28 jastaǵy er adam basqarǵan «Mercedes»-pen soqtyǵysqan. Saldarynan «Oka» júrgizýshisi oqıǵa ornynda kóz jumdy. Osy derek boıynsha tergep-tekserý amaldary bastaldy», - delingen polıtsııanyń baspasóz habarlamasynda.
Taǵy bir jol apaty keshe saǵat 13:00 shamasynda Táýelsizdik-Qaıyrbek kósheleriniń qıylysynda tirkeldi. 68 jastaǵy «Hyundai Solaris» kóliginiń júrgizýshisi «Lada Granta»-ǵa jol bermeı, jol-kólik oqıǵasyna sebep bolǵan. «Lada Granta» jolaýshysy dene jaraqattaryn aldy.
