Qostanaıda eki KamAZ soqtyǵysyp, bir jolaýshy kóz jumdy
QOSTANAI. QazAqparat – Qostanaı oblysynda eki júk kóligi soqtyǵysyp, birneshe adam jaraqat aldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, oqıǵa búgin saǵat 18:00 shamasynda Áýlıekól aýdanynyń Talapker aýyly mańynda bolǵan.
«37 jastaǵy «KamAZ» júrgizýshisi rólge ıe bola almaı, qarsy baǵytta kele jatqan taǵy bir «KamAZ» kóligine soqtyǵysty. Júk kólikteriniń biri - shóp, ekinshisi - arpa tıegen. Jol-kólik oqıǵasy saldarynan bir jolaýshy qaza boldy» delingen polıtsııanyń aqparatynda.
Júk kólikteriniń júrgizýshileri aýyr halde aýrýhanaǵa tústi. Oblystyq densaýlyq saqtaý basqarmasynyń baspasóz qyzmeti olardyń jaǵdaıyna qatysty resmı aqparat berýge ýáde etti.
