Qostanaıda eki er adamnan 23 keli esirtki tárkilendi
NUR-SULTAN. QazAqparat - UQK Qostanaı oblysy boıynsha departamenti kannabıstik topqa jatatyn esirtki zattarynyń zańsyz aınalymyn qatysy bar topty ustady, dep habarlaıdy QazAqparat vedomstvonyń baspasóz qyzmetine silteme jasap.
Atap aıtqanda, 2018 jylǵy 19 qarashada salmaǵy 19 kg 230 gr bolatyn «marıhýana» esirtki zatyn ótkizý kezinde V. Bondýrovskıı ustaldy. Jaýap alý barysynda ustalǵan adam kinásin moınyna alyp, esirtkini A. Chıgarkınnen alǵanyn aıtty.
2018 jylǵy 20 qarashada A. Chıgarkındi anyqtaý jáne ustaý boıynsha jedel-izdestirý is-sharalary júrgizilip, odan sondaı-aq salmaǵy 3 kg 721 gr. «marıhýana» esirtki zaty alyndy.
Nátıjesinde tárkilengen esirtkiniń jalpy salmaǵy 22 kg 951 gr. boldy.
2019 jylǵy 6 mamyrda Qostanaı oblysy boıynsha mamandandyrylǵan aýdanaralyq qylmystyq ister boıynsha sotynyń úkimimen A. Chıgarkın QR QK 296-baby 4-b. jáne 297-baby 3-b. boıynsha kináli dep tanylyp, 13 jylǵa, V. Bondýrovskıı QR QK 297-baby 3-b. boıynsha 10 jylǵa bas bostandyǵynan aıyryldy.
