Qostanaıda eki balyqshy ýlanyp kóz jumdy
QOSTANAI. QazAqparat - Qostanaıda balyq aýlaýǵa shyqqan eki balyqshy ysqa ýlanyp, kóz jumdy, dep habarlaıdy QazAqparat oblystyq TJD baspasóz qyzmetine silteme jasap.
Oqıǵa Qostanaı oblysynyń Jankeldın aýdanynda bolǵan.
«27 qarasha kúni saǵat 11.30 shamasynda dıspetcherlik qyzmetke Jankeldın aýdanynyń Torǵaı selosynan 30 shaqyrym jerde eki balyqshynyń kóz jumǵany týraly habar tústi. Keıin Maýsymbek qystaǵynyń mańynda balyqshy shatyrynyń ishinen 1954 jáne 1974 jyly týǵan er adamdardyń denesi tabyldy», - dedi vedomstvonyń baspasóz qyzmetindegiler.
Balyqshylardyń ysqa ýlanyp qalǵany belgili boldy. Aldyn ala boljam boıynsha, olar 5 lıtr propandy paıdalaný kezinde aqaý shyqqan. Qazirgi ýaqytta balyqshylardyń máıitteri Jankeldın aýdandyq ortalyq aýrýhanasynyń máıithanasyna jetkizildi.
