Qostanaıda eki bala úı ishinde janyp ketti
QOSTANAI. QazAqparat – Áýlıekól aýdanynda turǵyn úı órtenip, eki bala kóz jumdy, dep habarlaıdy QazAqparat.
Aqparatty oblystyq polıtsııa departamentiniń baspasóz hatshysy Irına Bejenar rastady. Oqıǵa búgin aýdan ortalyǵyndaǵy 1 mamyr kóshesindegi jeke turǵyn úıde bolǵan.
«Úı ishinde qaraýsyz qalyp qoıǵan 2016 jáne 2018 jyly týǵan eki bala janyp ketti. Úıdegi barlyq tósek-oryn, jıhaz órtendi. Órt aýqymy 18 sharshy metrdi qurady», - dedi Irına Bejenar.
Oqıǵanyń aldyn ala sebebi – otty abaısyz qoldaný. Turǵyn úı órti búgin saǵat 12.39-da tolyǵymen sóndirildi.
