Qostanaıda eki bala sýǵa aǵyp ketti
QOSTANAI. QazAqparat - Qostanaı oblysynda 17 jasar qyz ben 9 jasar er bala sýǵa aǵyp ketti, dep habarlaıdy QazAqparat oblystyq TJD baspasóz qyzmetine silteme jasap.
11 shilde kúni saǵat 20:00 shamasynda Jitiqara aýdanyndaǵy Joǵary Shortandy ózeninen 2001 jyly týǵan boıjetkenniń denesi shyǵaryldy. Onyń sýǵa túsýge ruqsat etilmegen jerde shomylǵany anyqtaldy.
Dál osy kúni Taran aýdany Maqsut aýylyna jaqyn tusta 9 jasar oqýshynyń máıiti tabyldy.
«Jergilikti turǵyndar Qarasý ózeninen 2009 jyly týǵan er balanyń denesin shyǵardy. Ol balyq aýlaý kezinde sýǵa ketip qalǵan», - dedi oblystyq TJD baspasóz hatshysy Ýálıhan Dosanov.
Balanyń denesi Lısakov qalasyna medsaraptama jasaý úshin jiberildi.
