Qostanaıda eki áıeldiń úsip ólýine qatysty tergeý júrgiziledi
QOSTANAI. QazAqparat - Qostanaı polıtsııasy gıpotermııadan qaıtys bolǵan eki áıelge qatysty tergeý júrgizedi, dep habarlaıdy QazAqparat oblystyq PD baspasóz qyzmetine silteme jasap.
«5 aqpanda Áýlıekól aýdanynyń Chernıgovka kentinde 29 jastaǵy áıeldiń denesi tabyldy, zorlyq-zombylyqtyń belgileri bolmaǵan. Sol kúni polıtseıler Denısov aýdany Pereleskı aýylynyń 50 jastaǵy turǵynynyń máıitin tapty. Áıelder óliminiń boljaldy sebebi - aǵzaǵa sýyq ótý»,- dep túsindirdi polıtsııa departamentindegiler.
Atalǵan faktiler boıynsha sotqa deıingi tergeý júrgizilýde, saraptama taǵaıyndaldy.
Aıta keteıik, aıazdyń kúsheıip ketýine baılanysty Qostanaı oblysynyń TJD úsik shalǵan ýaqytta alǵashqy kómek kórsetý joldaryn túsindirip, aıaz kezinde adam ózin qalaı saqtandyrý kerektigin eske salady.
