Qostanaıda eki adam sýǵa ketti
QOSTANAI. QazAqparat - Qostanaı oblysynda Tobyl ózenine eki adam batyp ketti, dep habarlaıdy QazAqparat oblystyq TJD baspasóz qyzmetine silteme jasap.
4 shilde kúni saǵat 16:00-de Tobyl ózenine 1982 jyly týǵan er adam batyp ketken. Oqıǵanyń mán-jaıy anyqtalýda.
Dál osy kúni keshki saǵat 19:00 shamasynda oblystyq TJD qutqarýshylary Tobyl ózeninen 1984 jyly týǵan Qostanaı aýdany turǵynynyń denesin alyp shyqty. Onyń tyıym salynǵan jerde shomylǵany anyqtaldy.
Oblystyq TJD oblys turǵyndaryn sýǵa túsý erejelerin saqtaýǵa shaqyrady.
