Qostanaıda eki adam iz-túzsiz joǵalyp ketti
QOSTANAI. QazAqparat - Qostanaı oblysynda eki egde kisi iz-tússiz joǵaldy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Áýlıekól aýdanynyń 43 jastaǵy turǵyny Igor Vasılevıch Vorona 2018 jylǵy 24 qarasha kúni saǵat 19:30 shamasynda aýdandyq ortalyq aýrýhanadan shyǵyp, úıine oralmaǵan. Onyń boıy - 175 sm, aryq deneli, shashy aqshyl tústi. Aýrýhanadan shyqqanda ústinde aq-kók tústi jolaqty kúrte, kók djıns shalbar jáne geldi juqa aıaq kıim bolǵan.
82 jastaǵy Darıa Alekseevna ıAkýnına 17 qarashada saǵat 10:00 shamasynda Jitiqara aýdanyndaǵy úıinen shyǵyp ketken. Tártip saqshylary zeınetkerdiń aıryqsha belgilerin jarııalady:
Boıy - 140-145 sm, shashy sur tústi, qysqasha kesilgen, kók kózdi, erni juqa. Ieginiń astynda qal bar.
Ústinde kók kýrtka, toqylǵan sur bas kıim, qara tústi qysqy etik alyp júrýi múmkin. Ózimen birge sarǵysh sómke ustap júredi.
Polıtseıler atap ótkendeı, buǵan deıin eki kisi de habar-osharsyz úıinen ketpegen.
Habar-osharsyz joǵalǵan adamdardyń ornalasqan jeri týraly qandaı da bir aqparatqa ıe bolsańyz, Qostanaı oblysynyń polıtsııa departamentine myna telefondar arqyly habarlaýyńyz suralady: 8-7142-52-61-11, 52-62-18, 52-61-12 nemese 102 (qońyraý tegin).
