Qostanaıda eki mekeme arasynda daý týyp, oqýshylar týrnıketsiz qaldy

ASTANA. KAZINFORM - Bıylǵy qańtar aıynda «SPK NORD» JShS merdiger uıymy Qostanaı qalasynyń bilim bólimine jumysyn toqtatatynyn habarlaǵan kezde daýly jaǵdaı týyndady. Buǵan bastaýysh synyp oqýshylaryna tegin túski as berý sebep boldy, sonyń saldarynan azyq-túlik jetkizýshiler merdigermen qosymsha aqy tóleý týraly kelisim jasasýdan bas tartty.

Qalalyq bilim bóliminen baıandaǵandaı, 2020 jyldyń qazan aıynda Qostanaı qalasynyń ákimdigi, bilim bólimi jáne «SPK NORD» JShS arasynda kelisimshart jasalǵan. 

«Yntymaqtastyq aıasynda kompanııa qaladaǵy 13 mektepte týrnıket, onyń ishinde 8 mektepte „Aqyldy ashana“ baǵdarlamasy ornatylǵan. SPK NORD fırmasy mektepterde azyq-túlik jetkizýshilerimen „Aqyldy ashana“ baǵdarlamalyq jasaqtamasyn paıdalaný jóninde kelisim jasady. Oqýshylarǵa elektrondy karta tegin taratyldy. Balalar bul kartany týrnıketten ótetin kezde ǵana emes, sonymen qatar ashanada mektepte túski as ishý úshin de paıdalanady», — dep habarlady vedomstvodan.

Alaıda bıyl jaǵdaı ózgerdi.

Merdiger azyq-túlik jetkizýshileri 1-4 synyp balalaryn tegin tamaqqa aýystyrǵannan keıin qosymsha kelisimderge qol qoıýdan jáne tıisinshe fırmanyń qyzmetine aqy tóleýden bas tartýyna baılanysty odan ári jumys istemeımiz dep otyr. 

«Osyǵan baılanysty merdiger jobany jaýyp, týrnıketterdi bólshekteý jóninde sheshim qabyldady. Biz óz tarapymyzdan eki jekemenshik fırmanyń arasynda týyndaǵan máseleni sheshýge qatysa almaımyz», — dep túsindirdi bilim basqarmasynan.

QR Úkimetiniń 2021 jylǵy 6 mamyrdaǵy № 305 qaýlysyna, sondaı-aq Oqý-aǵartý mınıstriniń 2022 jylǵy 30 naýryzdaǵy № 117 buıryǵyna sáıkes mektepterdiń týrnıketsiz qalýyna bolmaıdy.

Sondyqtan búginde qala mektepteri memlekettik satyp alý portaly arqyly jańa týrnıket satyp alyp, ornatatynyn habarlady.

Al olardyń qandaı bolatyny mektep pen ata-ananyń ortaq sheshimine baılanysty. Zańdy ókilderdiń pikirlerine kelsek, olar ekige bólingen.

Keıbireýler týrnıket zamanaýı, qaýipsiz bolýy kerek dep sanasa, basqalary zamanaýı týrnıketterge múldem qarsy.

Biraq, bilim basqarmasynda atap ótkendeı, sheshim mektep ákimshiligi men ata-analar keńesimen birlesip qabyldanady.

Búgingi jaǵdaıǵa keletin bolsaq, bólshekteý jumystary jalǵasyp jatyr. Týrnıket alynǵan jerlerde balalardy mektep ákimshiligi, synyp jetekshileri, vahter, kúzetshiler kútip alýda.

Ashanalarda balalar túski asty qolma-qol aqshamen, qolma-qol aqshasyz (termınal, kez kelgen banktiń kartalary) tólep ishe alady.