Qostanaıda dúken janyp, órt sóndirýshiler shatyr opyrylar aldynda ǵımarattan shyǵyp úlgerdi

QOSTANAI. QazAqparat – Qostanaıda Jýkovskıı kóshesi boıyndaǵy «Teatralnyı» aralas taýarlar dúkeninde órt shyqty, dep habarlaıdy QazAqparat tilshisi oblystyń TJD baspasóz qyzmetine silteme jasap.

Vedomstvo atap ótkendeı, ǵımarat – 150 sharshy metr aýdanda ornalasqan bólek bir qabatty qurylys.

«Órt bolǵan jerdegi qıyn jaǵdaı qosymsha kúshterdi talap etti. 12:14-te oqıǵa ornyna órt sóndirýshiler jetti. Qostanaı oblysy TJD órt sóndirý qyzmetiniń kúshteri men quraldary, atap aıtqanda jeke quramnyń 32 qyzmetkeri men 8 tehnıkasy jumyldyryldy. Tutaný kezinde shatyr otqa oranǵan, qoıma men ondaǵy jıhazdar órtenip jatqan. Qatty jel ottyń kórshi ǵımarattarǵa kóshý qaýpin týdyrdy», - dep túsindirdi departamentten.

Órt sóndirýshilerdiń sózderinshe, jarylystyń aldyn alý úshin olar ǵımarattan eki ottegi ballonyn shyǵarǵan.

«Olar shyqqan sátte ǵımarattyń shatyry opyrylyp túsken. Qazirgi kezde órttiń sebebi anyqtalýda. Sátin salǵanda, qurbandar men zardap shekkender bolmady. Órt 14:36-da aýyzdyqtaldy», - dep túıindedi TJD.