Qostanaıda Densaýlyq saqtaý mınıstrliginiń basshysy densaýlyq nysandaryn aralap, keńes ótkizdi
ASTANA. 5 naýryz. QazAqparat - Densaýlyq saqtaý mınıstri Salıdat Qaıyrbekova búgin Qostanaı oblysyna jumys saparynyń barysynda Qostanaıdaǵy birqatar densaýlyq saqtaý nysandarynyń jumysymen tanysty.
Bul týraly QR Premer-Mınıstri Kárim Másimovtiń Facebook paraqshasynda habarlanǵan.
Mınıstr «100 mektep, 100 aýrýhana» baǵdarlamasynyń aıasynda salynǵan oblystyq aýrýhana korpýsymen tanysty, qalalyq perzenthanada, Qan ortalyǵynda, onkologııalyq dıspanserde boldy.
Medıtsınalyq mekemelerdiń ujymdarymen bolǵan kezdesýde halyqqa sapaly medıtsınalyq kómek kórsetý jáne medıtsına qyzmetkerleriniń biliktilikterin jetildirý máseleleri talqylandy.
Mınıstr sondaı-aq medıtsına salasy qyzmetkerleriniń qatysýymen keńes ótkizdi. Onda «Elbasynyń «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Qazaqstan halqyna Joldaýymen júktelgen mindetterdi iske asyrý aıasyndaǵy Qazaqstanda onkologııalyq kómekti damytýdyń salalyq baǵdarlamasy tanystyryldy. Keńeske qatysýshylar sondaı-aq Josparlaý jáne densaýlyq saqtaý uıymdary úshin medıtsınalyq tehnıkalyq satyp alýdyń tujyrymdamasyn talqylady.
Mınıstr S.Qaıyrbekovanyń Qostanaı oblysyna jumys sapary osy keńespen qorytyndylandy.
Qosymsha aqparatty www.pm.kz saıtynan qarańyz.
