Qostanaıda dárihana ıesine para bergeni úshin 6 mln aıyppul salyndy
QOSTANAI. QazAqparat - Qostanaıda laýazymdy tulǵaǵa para bergen jeke kásipker Svetlana Mazýr sot úkimimen 6 mln teńge somasynda aıyppul tóleıtin boldy. Bul týraly «QazAqparat» HAA tilshisi habarlady.
Mazýr «QR DSM Medıtsınalyq jáne farmatsevtıkalyq qyzmetti baqylaý komıtetiniń departamenti» RMB basshysynyń mindetin atqarýshy Kúlzada Ótegenovaǵa para bergen. Sheneýnik Mazýrdyń dárihanasynda anyqtalǵan buzýshylyqtardy bilip, odan 200 myń teńge talap etken. Para eki bólinip berilgen, aqshanyń sońǵy bóligin berip jatqan kezde Ótegenova qylmys ústinde ustaldy.
Sot Mazýrǵa paranyń 30 ese somasy kóleminde aıyppul túrinde jaza kesti. Bul ómir boıyna uıymdastyrý-ókimdik jáne ákimshilik-sharýashylyq fýnktsııalaryn oryndaýmen baılanysty laýazymdy atqarý quqyǵynan aıyra otyryp, 6 mln teńgeni quraıdy. Ótegenova budan buryn habarlanǵandaı, 6 jylǵa bas bostandyǵynan aıyryldy. Alaıda apelıatsııalyq satyda jazany 21 mln teńge aıyppulǵa ózgertýge qol jetkizdi.
