Qostanaıda dárigerdi soqqyǵa jyqqan buzaqy eki aıǵa qamaýǵa alyndy
ASTANA. KAZINFORM — Osy oqıǵaǵa qatysty resmı málimdemeni oblystyq prokýratýra taratty.
Qostanaı oblystyq prokýratýrasy baspasóz qyzmetiniń naqtylaýynsha, kúdikti eki aı merzimge qamaýǵa alyndy. Buǵan deıin ony polıtsııa qyzmetkerleri ustaǵan.
Eske salsaq, Qostanaı oblystyq aýrýhanasynyń jedel járdem qabyldaý bóliminde naýqas hırýrgke shabýyl jasaǵany anyqtaldy.
Qostanaı oblysynyń prokýratýrasy kúdiktige qatysty protsestik májbúrleý sharalary qabyldanǵanyn habarlady. Ol QR Qylmystyq-protsestik kodeksiniń 128-baby boıynsha ustaldy.
Keıinnen zardap shekken dárigerdiń aty-jóni belgili boldy.
Keshe Qostanaı aýrýhanasynyń jas hırýrgi Astanaǵa jetkizildi.
Bul oqıǵadan keıin Densaýlyq saqtaý mınıstri Aqmaral Álnazarova Qostanaı jáne Qaraǵandy qalalarynda dárigerlerge qatysty sumdyq oqıǵalardan keıin qazaqstandyqtarǵa úndeý joldady. Onyń sózinshe, medıtsına qyzmetkerlerine qarsy zorlyq-zombylyqtyń jıilep ketýine baılanysty Іshki ister mınıstrimen birlesip, shuǵyl túrde ýrgenttik statsıonarlardyń, balalar jáne perınataldyq ortalyqtardyń qabyldaý bólimderinde táýlik boıy kúzet posttaryn kúsheıtý týraly sheshim qabyldandy.