Qostanaıda dárethana sheleginen tabylǵan náreste balalar úıine tapsyrylady
QOSTANAI. QazAqparat - Qostanaı qalasynda dárethana sheleginen tabylǵan náreste ázirge anasyna qaıtarylmaıdy, dep habarlaıdy QazAqparat.
Dárethanadan tabylǵan sábıdiń jaǵdaıy týraly agenttik tilshisine Qostanaı oblystyq balalar aýrýhanasynyń bas dárigeri Igor Belobrjıtskıı aıtty.
«Jaqynda biz náresteni aýrýhanadan shyǵaramyz. Qazir jaǵdaıy jaqsy. Tıisti em-dom sharalary júrgizildi. Anasy baladan jarty jylǵa bas tartyp, ýaqytsha bas tartý ótinishin jazdy. Endi ol sábıin balalar úıinen alyp ketedi. Biz qujattardy resimdeýden ótkizdik», - dedi bas dáriger.
Eske salsaq, 7 tamyz kúni oblystyq aýrýhananyń qabyldaý bólimine 27 jastaǵy qyz túsken.
Ol nárestesin aýrýhanada qaldyryp ketken.
Keıin atalǵan fakt boıynsha sotqa deıingi tergeý sharalary júrgizildi.
