Qostanaıda dala órti órship tur
ASTANA. QazAqparat - Sońǵy úsh-tórt kúnde Qostanaı oblysynyń birqatar aýdanynda qurǵaq shóptiń órtenýine qatysty birneshe fakti tirkeldi, dep habarlaıdy QazAqparat Qostanaı oblysynyń tótenshe jaǵdaılar departamentine silteme jasap.
Ótken jeksenbi kúni Mendiqara aýdanynda 32 ga aýmaqta qamys órtendi. Dál osy kúni keshke Denısov aýdanynyń Pokrov aýyldyq okrýginde 0,5 ga qurǵaq shóp jandy.
Qamysty aýdanyna qarasty Lıvanov aýylynda da 35 ga aýmaqtaǵy shópti órt sharpydy.
Al keshe keshke Amangeldi aýdanyna qarasty Úrpek aýyly mańynda qurǵaq shóp jalyndady. Aýyl turǵyny Esimbek Jantóreniń aıtýynsha, tilsiz jaý dalada jatqan traktor tirkemesi dońǵalaqtarynyń tutanýynan bolǵan.
Dala órtterin sóndirýge Qostanaı oblystyq TJD aýdandyq bólimderiniń kúshteri men quraldary tartyldy, sondaı-aq aýyldyq jerlerdegi erikti órt sóndirý qurylymdary jumyldyryldy.
