Qostanaıda buzaqylar zeınetkerdiń aqsha salynǵan sómkesin tartyp alyp ketken
QOSTANAI. QazAqparat - Qostanaıda polıtsııa zeınetkerdiń qolyndaǵy aqsha salynǵan sómkeni tartyp alyp ketken buzaqylardy ustady, dep habarlaıdy QazAqparat tilshisi.
«ІІB qyzmetkerleri kezekshi bólimnen sómkeniń urlanǵany týraly habarlamany alyp, Savıtskaıa kóshesi boıymen iz kesti. Jábirlenýshi sómke ishinde bank kartalary men 20 myń teńgeniń bolǵanyn aıtqan. Zeınetker kúdiktiniń aıryqsha belgilerin sıpattap berdi», - delingen oblystyq ІІD baspasóz qyzmeti habarlamasynda.
Quqyq qorǵaý organy qyzmetkerleri Tereshkova kóshesiniń boıynda 21 jáne 24 jastaǵy er adamdardy ustady. Olar Qostanaı aýdanynyń turǵyndary bolyp shyqty. Kúdiktilerdiń qolynda zeınetkerdiń alqyzyl tústi sómkesi bolǵan. Osy fakt boıynsha «Tonaý» babymen sotqa deıingi tergeý sharalary júrgizilýde.
Urylar ýaqytsha ustaý ızolıatoryna qamaldy.
