Qostanaıda burynǵy sýdıalar para alǵandary úshin jazaǵa kesildi
QOSTANAI. QazAqparat - Qostanaıda qalalyq sot tóraǵasy Samalbek Muhtarov pen sol sottyń sýdıasy Serik Qashqynbaevqa qatysty sot sheshimi shyǵaryldy.
Olardyń árqaısysyna para alǵany úshin aıyptaldy, tek Qashqynbaev bir derek boıynsha aqtaldy. Nátıjesinde ol 5 jylǵa bas bostandyǵynan aıyrylyp, jazasyn jalpy rejımdegi kolonııada óteıtin boldy. Jazasyn ótep bolǵan soń ol 3 jyl boıy sot júıesinde jumys isteý quqyǵynan aıyrylady.
Al Samalbek Muhtarovqa odan qatańyraq jaza belgilendi - bul azamat 7 jylyn jalpy rejımdegi kolonııada ótkizbek. Sondaı-aq ol osyǵan deıin qol jetkizgen memlekettik nagradalarynan aıyryldy.
Sýdıanyń sheshimi jarııalanǵannan keıin, eshqaıda ketpeý týraly qolhatpen júrgen qos aıyptalýshy sot zalynda birden qamaýǵa alyndy.
