Qostanaıda burynǵy bilim bóliminiń ǵımaraty órtenip ketti
QOSTANAI. QazAqparat – Qostanaı qalasyndaǵy burynǵy bilim bóliminiń ǵımaraty órtenip ketti, dep habarlaıdy QazAqparat.
Oblystyq TJD baspasóz qyzmetiniń málimetine súıensek, órt kezinde zardap shekkender joq.
«Qostanaı qalasyndaǵy Shaıahmetov kóshesindegi úshqabatty ǵımarat órtenip ketti. Aldymen ǵımrattyń shatyry janǵan. Órt aýqymy 150 sharshy metrdi qurady», - delingen vedomstvonyń habarlamasynda.
TJD mamandarynyń boljamyna sáıkes, órtke symdardyń qysqa tuıyqtalýy sebepshi bolǵan. Aıta keteıik, bul ǵımaratta birneshe aı buryn qalalyq bilim berý bólimi ornalasqan.
