Qostanaıda boıjetkendi uryp-soǵyp, zorlamaq bolǵan: is tergeýge alyndy
QOSTANAI. QazAqparat – Boıjetkendi uryp-soǵyp, zorlamaq bolǵan jigit qamaýǵa alyndy, dep habarlaıdy QazAqparat oblystyq polıtsııa departamenti baspasóz qyzmetine silteme jasap.
Oqıǵa osy jyldyń 10 mamyrynda bolǵan. Boıjetken Facebook paraqshasynda jigittiń uryp-soǵyp, qorlaǵanyn aıtyp, vıdeo jarııalaǵan.
Qazir polıtsııa osy fakti boıynsha QR QK 121-babymen («Jynystyq sıpattaǵy kúsh qoldaný áreketteri») sotqa deıingi tergeýdi bastady.
«Sot-medıtsınalyq saraptama taǵaıyndaldy, onyń nátıjesi boıynsha alǵan dene jaraqattarynyń aýyrlyq dárejesi anyqtalady. Qajetti tergeý áreketteri júrgizilde, olar aıaqtalǵannan keıin túpkilikti is júrgizý sheshimi qabyldanady. Sonymen qatar, atalǵan oqıǵanyń qatysýshylary TJ rejımin buzýǵany úshin ákimshilik jaýapqa tartyldy. Qylmystyq isti tergeý Qostanaı oblysy polıtsııa departamenti tergeý basqarmasyna júkteldi», - delingen polıtsııanyń aqparatynda.
Qostanaı oblysy polıtsııa departamentiniń áıelderdi zorlyq-zombylyqtan qorǵaý tobynyń qyzmetkerleri boıjetkenge psıhologııalyq qoldaý kórsetpek.
