Qostanaıda «bomba qoıyldy» degen úıdiń turǵyndary ýaqytsha evakýatsııalandy

QOSTANAI. QazAqparat – Oblystyq polıtsııa departamenti Qostanaı qalasynda «turǵyn úıge bomba qoıyldy» degen oqıǵaǵa qatysty resmı málimdeme jasady, dep habarlaıdy QazAqparat.

«Búgin shamamen saǵat 15:05-te «Ońtústik» polıtsııa bólimshesine Lermontov kóshesindegi turǵyn úıge jarylǵysh zattyń qoıylǵanyn habarlady. Atalmysh ǵımarat buǵan deıin balabaqsha bolǵan, keıin turǵyn úı retinde qaıta jóndeýden ótti. Oqıǵa ornyna tıisti qyzmet ókilderi jumyldyryldy, aqparat tergep-tekserilip jatyr», - dedi agenttik tilshisine vedomstvonyń baspasóz qyzmetindegiler.

Qazir Lermontov kóshesindegi 18-úıdiń turǵyndary ýaqytsha evakýatsııalandy. Turǵyn úı aýmaǵynda krımınalıster jumys istep jatyr.