Qostanaıda bokstan áıelder arasynda halyqaralyq týrnır ótip jatyr
ASTANA. Tamyzdyń 4-i. QazAqparat /Gúlmıra Álıakparova/ - Qostanaıda ótip jatqan bokstan áıelder arasyndaǵy halyqaralyq týrnırdiń alǵashqy nátıjeleri belgili boldy.
Qostanaı qalasynyń «Muzdy» sport saraıynda ótip jatqan týrnırde boksshy qyzdar Sotsıalıstik Eńbek Eri, KSRO Joǵarǵy Keńesiniń depýtaty, partııanyń XXV, XXVI, XXVII-shi sezderiniń delegaty, Lenın ordeniniń eki márte ıegeri, KSRO Memlekettik syılyǵynyń laýreaty Kámshat Dónenbaeva atyndaǵy júlde úshin baqtalastyrýda.
Oǵan Qazaqstannyń barlyq oblystary men Astana jáne Almaty qalalarynan, sondaı-aq Reseı, Qyrǵyzstan men Úndistannan kelgen bylǵary qolǵap sheberleri qatysýda. Tamyzdyń 3-inde bastalǵan týrnır osy aıdyń 7-sine deıin jalǵasady.
Keshe 46, 57 jáne 60 kılá salmaq dárejesi boıynsha alańǵa 11 jup shyqty. Namysty qoldan bermegen Qazaqstan Ulttyq quramasynyń (QUQ) barlyq boksshysy týrnırdiń alǵashqy kúnin jeńispen aıaqtady. Olar - Dına Elýbaeva (Astana), Nazym Qyzaıbaı (Almaty), Shahnoza Isahanova (Qyzylorda), Sánııa Sultanqyzy (Astana), Gúljaına Ibbinııazova (Aqtóbe), Álııa Ábdraıymova (Astana), Oksana Koroleva (Qaraǵandy) jáne Núrııa Ǵarıfýllına. Sondaı-aq Elena Lejeboka (Reseı), Darıa Borıskına (Reseı) men GioGio Rumi (Úndistan) jeńisti joldaryn jalǵastyrady.
Búgin 48, 51, 54 jáne 64 kıládaǵy salmaq boıynsha barlyǵy 7 jup qolǵap túıistiredi.
