Qostanaıda bıyl 107 adam polıtsııa qyzmetine alynady
QOSTANAI. QazAqparat - Búginde Qostanaıdaǵy tártip saqshylarynyń qataryna alyný úshin 107 úmitker tájirıbeden ótip jatyr. Olar jaqyn arada ant qabyldaý rásimin ótkizedi, dep habarlaıdy QazAqparat tilshisi oblystyq ІІD-niń baspasóz qyzmetine silteme jasap.
Buǵan qosa, bıyl Qostanaı, Almaty qalalaryndaǵy QR ІІM akademııalary men Aqtóbedegi zań ınstıtýtyn támamdaǵan 53 kýrsant Qostanaıdaǵy polıtsııa qyzmetine alynady.
«Osy jyly Qostanaı oblysy ІІD quramyna 70 serjant qabyldanady. Olardyń kóbi jol-baqylaý polıtsııasy men kóshi-qon qyzmetine jumyldyrylmaq. Jas mamandar QR ІІM Qostanaıdaǵy oqý ortalyǵynda 3 aılyq kýrstan ótip jatyr. Bolashaq operatıvtik qyzmetkerler, tergeýshiler, krımınalıster, ýchaskelik ınspektorlar synaq merzimi aıaqtalǵannan keıin polıtsııa leıtenanty ataǵyn alady. Jalpy, bıyl Qostanaıdaǵy tártip saqshylarynyń qataryna alyný úshin 107 úmitker tájirıbeden ótip jatyr», - delingen ІІD baspasóz qyzmeti taratqan habarlamada.
Vedomstvoda málim etilgendeı, kadrlardy irikteý kezinde olardyń bilimi men densaýlyǵy ǵana emes, iskerlik jáne moraldyq qasıetteri de eskeriledi. Sondaı-aq, QR ІІM qyzmetine oqýǵa túskisi keletin mektep túlekteri 2018 jylǵy 1 mamyrdan bastap qujattaryn tapsyra alady.
