Qostanaıda birneshe jyl qashyp júrgen ákki qylmyskerler ustaldy
QOSTANAI. QazAqparat - Qostanaıda túrli qylmys jasap, boı tasalap júrgen 9 qylmysker qamaýǵa alyndy, dep habarlaıdy QazAqparat tilshisi oblystyq ІІD baspasóz qyzmetine silteme jasap.
Osy aptada ótken «Quqyqtyq tártip» sharasyna júzdegen polıtseı men Ulttyq ulannyń áskerıleri jumyldyryldy. Apta basynan beri 16 qylmystyq is ashylǵan.
«Tártip saqshylary tereń profılaktıkalyq jumystardy júrgizý barysynda birneshe jyl boıy izdeýde júrgen 9 qylmyskerdi ustady. Sondaı-aq, 10 adamnyń zańsyz qarý saqtap, paıdalanǵany anyqtaldy. Olardan shaǵyn kalıbrli vıntovka, 50 oq-dári, 4 tapansha, 2 pyshaq tabyldy. Zańsyz aınalymda júrgen 0,21 gramm geroın men 20,46 gramm marıhýana tárkilendi. Barlyǵy 1951 ákimshilik quqyqbuzýshylyq tirkeldi», - delingen ІІD baspasóz qyzmetiniń habarlamasynda.
Atalǵan vedomstvo málimdegendeı, jaqynda Qostanaıdaǵy qonys kolonııasynan qashyp ketken 30 jastaǵy Rýslan ıÝsýbov qamaýǵa alyndy. Endi ol 3 jylǵa deıin bas bostandyǵynan aıyrylýy múmkin.
