Qostanaıda birneshe úıdi sý basyp qalýy múmkin
QOSTANAI. QazAqparat - Qostanaıdaǵy «Jup dońǵalaq» dep atalatyn shaǵynaýdandaǵy keı úılerdi qar sýy shaıyp ketýi múmkin, dep habarlaıdy «QazAqparat» HAA tilshisi.
Óńirlik tótenshe jaǵdaılar basqarmasynyń ınjener mamany Gúlnar Jolbarysovanyń sózinshe, turǵyndar qar sýynyń qaýpin aıtyp, 5-6 kúnnen beri dabyl qaǵýda.
«3 aqpan kúni qutqarýshylar atalǵan aımaqtaǵy qardyń kólemin anyqtap, erigen sýdy Tobyl ózenine qaraı aǵyzyp jiberdi. Bul rette olarǵa «Qostanaı-Sý» mekemesiniń mamandary kómektesti. Aqpan aıynyń basynda shaǵynaýdan tóńireginiń sýǵa tolýy biz úshin de kútpegen jaǵdaı boldy. Keıin anyqtalǵandaı, bul aýmaqtaǵy jer astynan bulaq aǵady. Qatty aıaz saldarynan bulaq kózi qatyp qalǵan. Sol sebepti bulaq sýy jerdiń betine ózdiginen shoǵyrlana shyǵyp, jaıylyp ketken», - dep túsindirdi G.Jolbarysova.
Aıta keteıik, «Jup dońǵalaq» shaǵynaýdany Qostanaıdaǵy sý basý qaýpi bar aımaqtardyń qataryna endi. Qazir qutqarýshylar qalalyq ákimdiktiń qyzmetkerlerimen birlese otyryp, úılerdi jaǵalap, jaǵdaıdy baqylaýda ustap otyr. Buǵan qosa tótenshe oqıǵalardyń aldyn alý sharalary pysyqtalyp jatyr.
