Qostanaıda birneshe baǵyttaǵy joldar jabyldy
QOSTANAI. QazAqparat - Aıazǵa baılanysty Qostanaı oblysynda birneshe joldar jabyldy, dep habarlaıdy QazAqparat.
Oblystyq ІІD baspasóz qyzmetiniń taratqan habarlamasyna sáıkes, búgin birneshe tas jol jabyldy. Atap aıtqanda, «Qarabutaq-Komsomol-Denısov-Rýdnyı» (231503 shaqyrym), «Rýdnyı-Denısov» (Aqmola oblysy shekarasyna deıin), «Denısov - Jitiqara - Myqtykól» ( Reseı Federatsııasynyń shekarasyna deıin) baǵyttaryna shyǵýǵa ázirge ruqsat joq.
Sondaı-aq, óńirdegi joldardyń birazy dızeldi otynmen júretin kólikter úshin jabyq.
«21 qańtardan bastap dızeldi otynmen júretin kólikter úshin «Qostanaı-Áýlıekól-Surǵan» (3 242 shaqyrym) jáne «Qostanaı-Áýlıekól-Sholaqashy» (Aqmola oblysy shekarasyna deıin), «Ekaterınbýrg-Almaty» (555-729 shaqyrym) baǵytynda júretin kólikterge jol jabyq», - dep málimdedi ІІD baspasóz qyzmeti.
Tártip saqshylary kólik júrgizýshilerine alys saparlarǵa shyǵýdan bas tartýdy eskertedi. Al jergilikti polıtsııa qyzmeti qutqarýshylarmen birge qazirdiń ózinde ondaǵan kólikterge kómek kórsetti. TJD qyzmetkerleri qala syrtyndaǵy joldardaǵy kezekshilikti jalǵastyrýda.
