Qostanaıda birqatar karantın shekteýi jeńildetildi

QOSTANAI. QazAqparat – Qostanaı oblysynda birqatar karantın shekteýi jeńildetildi, dep habarlaıdy QazAqparat tilshisi.

Qostanaı oblysynyń Bas memlekettik sanıtarlyq dárigeriniń jańa qaýlysy jarııalandy. Onda jazylǵandaı, óńir boıynsha birqatar karantın shekteýi jeńildetildi.

«Barlyq nysandaryndaǵy jáne vedomstvolyq uıymdardaǵy áleýmettik qashyqtyqty mindetti túrde saqtaý, kúndelikti kirer aldyndaǵy baılanyssyz termometrııa talaptary alynyp tastaldy. Al bilim berý mekemelerinde «Ashyq» mobıldi qosymshasyn paıdalaný, áleýmettik qashyqtyqty saqtaý jáne termometrııany júrgizý sondaǵy ákimshiliktiń sheshimi boıynsha erikti túrde júzege asyrylady», - delingen qujatta.

Epıdemıologııalyq jaǵdaıdy baǵalaý matrıtsasyna sáıkes óńir «qyzyl» aımaqqa ótken jaǵdaıda bul talaptar qaıtadan kúshine enedi.