Qostanaıda bir jyl buryn úıinen ketken jigitke izdeý salyndy

QOSTANAI.QazAqparat – Qostanaı qalasynyń polıtsııa basqarmasy iz-túzsiz joǵalǵan Tımýr Bolatuly Moldabaevqa izdeý saldy, dep habarlaıdy QazAqparat tilshisi.

29 jastaǵy Tımýr Moldabaev 2019 jyldyń qarasha aıynda Qostanaı aýdanynyń Mıchýrın aýylyndaǵy úıinen shyǵyp ketken. Qazirgi ýaqytta polıtsııa osy derek boıynsha QR QK 99-babymen («Kisi óltirý») tergeý sharalaryn bastady.

«Sol ýaqyttan beri Tımýr Moldabaevtan habar joq. Ústinde qara tústi jolaǵy bar kýrtka, qara tústi djıns shalbar, qara kúrte, qysqy krossovka, qara tústi toqylǵan bas kıim bolýy múmkin», delingen polıtsııa aqparatynda.

Polıtsııa izdeý salynǵan er adamnyń erekshe belgilerin jarııalady: aryq deneli, boıy shamamen 167 sm, shashy qara tústi, kózi qońyr, erni jińishke.

Tımýr Moldabaev týraly aqparaty bar adamdarǵa 52-67-97, 52-60-54, 52-68-05, 8-778-336-93-33, 8-705-871-47-84, 8-778-933-33-06 nemese «102» nómiri boıynsha habarlasýǵa bolady.