Qostanaıda bir-birimen jarysqan eki avtobýs soqtyǵysty
QOSTANAI.QazAqparat – Qostanaı qalasynda eki avtobýs soqtyǵysty, dep habarlaıdy QazAqparat.
Aqparatty oblystyq polıtsııa departamentiniń baspasóz qyzmeti rastady. Oqıǵa búgin KSK shaǵyn aýdanynda, Qobylandy batyr kóshesinde bolǵan.
Kýágerlerdiń aıtýynsha, qoǵamdyq kólikter qatty jyldamdyqpen jarysyp kele jatqan.
«Mercedes markaly №13 marshrýttyq avtobýsynyń 61 jastaǵy júrgizýshisi qashyqtyqty saqtamaı, Volvo markaly avtobýspen soqtyǵysty. Polıtsııa qyzmetkerleri is júrgizý sheshimin qabyldaý úshin ákimshilik materıal jınady. Jol-kólik oqıǵasy kezinde eshkim zardap shekken joq», - deıdi polıtsııanyń baspasóz qyzmeti mamany Kenje Qonysbaı.
