Qostanaıda bir aptadan beri habarsyz ketken 35 jastaǵy áıeldiń denesi tabyldy
QOSTANAI. QazAqparat - Qostanaıda joǵalǵan 35 jastaǵy áıeldiń denesi tabyldy. Ony polıtsııa 22 qyrkúıekten beri izdep jatqan edi, dep habarlaıdy QazAqparat.
Polıtsııaǵa onyń kúıeýi júgingen.
Atalǵan fakti boıynsha polıtsııa izdestirý is-sharalaryn bastady.
Búgin 8.25-te «102» pýltine úlken kópir aımaǵyndaǵy ózende áıeldiń denesi bolýy múmkin degen habarlama keldi.
Oqıǵa ornyna jedel-tergeý toby shyqty. Marqumnyń Qýanysh Bermuhambetova ekeni týraly aqparat rastaldy.
Qazirgi ýaqytta ólimniń sebebin anyqtaıtyn sot-medıtsınalyq saraptama taǵaıyndalǵan.
Oqıǵanyń mán-jaıy sotqa deıingi tergeý barysynda anyqtalady.
