Qostanaıda bir apta buryn joǵalǵan er adamnyń denesi tabyldy
QOSTANAI. QazAqparat - 5 sáýir kúni joǵalǵan er adamnyń denesi Qostanaıǵa jaqyn mańda Tobyl ózeninen tabyldy. Bul faktini Qostanaı oblystyq TJD rastady, dep habarlaıdy QazAqparat tilshisi.
Vedomstvonyń aqparaty boıynsha, 1964 jylǵy er adam jumystan shyǵyp, úıine oralmaǵan. Sodan beri ony týystary, eriktiler men polıtseıler izdegen.
«Onyń denesi 11 sáýir kúni Amangeldi kenti aýmaǵynan tabylǵan. Soltústik óńirlik aeromobıl jasaǵy onyń máıitin sýdan alyp shyqty. Qalaı qaıtys bolǵany anyqtalyp jatyr», - dep habarlady TJD-dan.
