Qostanaıda bılıardtyń «Qozǵalmaly pıramıda» túrinen el chempıonaty bolady
ALMATY. 7 naýryz. QazAqparat - Qostanaıda 14-17 naýryz kúnderi bılıardtyń «Qozǵalmaly pıramıda» túrinen HHHVI Qazaqstan chempıonaty ótedi.
Oǵan QR Bılıard sport federatsııasynyń oblystyq fılıaldary usynǵan sportshylardan bólek, Baıqońyr qalasynyń tastaıaqshylary da qatysa alady. Onda qatysýshylardy tirkeý men jerebe tartý rásimi 13 naýryzda bolady. Jarystyń alǵashqy kezeńindegi saıysta úzdik 16 sportshy irikteledi. Dárejelik bul synda olar 2 jeńiliske deıin baq synaı alady. Ekinshi kezeńde jeńilis tapqandar júldeli orynǵa talasý múmkindiginen aırylady jáne aqtyq synda 3-shi oryn úshin match ótkizilmeıdi.
Byltyr 13-16 naýryzda Aqtóbe qalasynda ótken chempıonatqa 68 sportshy qatysqan bolatyn. Onda aqtyq synda almatylyq Dáýren Orynbaevtan basym túsken aqtóbelik Azat Túmenov jeńimpaz atanǵan edi. Al onyń jerlesi ıÝrıı Radchenko men tarazdyq Ǵanı Shardarbekov qola júldeger atandy. Onda Almaty qalasynyń namysyn Dáýren Orynbaevtan basqa Emıl Mýdarısov, Qanybek Saǵyndyqov, Almas Ábseıit, Aıdos Týǵanbaev, Edýard ıÝn qorǵaǵan edi.
