Qostanaıda beıimdeý ortalyǵynan qashqan eki bala Rýdnyıǵa jaıaý barmaq bolǵan
Rýdnyılyq eki jasóspirim otbasy ómirlik qıyn jaǵdaıda bolǵandyqtan arnaıy mekemege ornalastyrylǵan.
11 jasar balanyń ortalyqqa kelgenine shamamen bir aı bolsa, 12 jasar ekinshisi eki kún buryn ǵana kelipti.
Tárbıeshiler balalardyń joǵalǵanyn baıqaı sala birden polıtsııaǵa júgindi.
Olardy izdeýge polıtsııanyń búkil jasaǵy baǵyttalyp, saýda ortalyqtary, qala jaǵalaýlary men saıabaq aımaqtary tekserildi.
Saýda ortalyǵynyń kúzetshileri beınekamerany qarap, jasóspirimderdi saýda zalynan kórgenin aıtty.
Keıin olar Rýdnyı qalasyna jetý úshin avtoturaqtan kólik izdegen.
Qostanaı qalasy polıtsııa basqarmasy krımınaldyq izdestirý bóliminiń bastyǵy Jandos Kenjebekovtiń aıtýynsha, izdeý jumysy osy aýdanda toptastyrylǵan.
Kámeletke tolmaǵan eki bala avtobeket mańynan tabyldy, olar kórshi qala Rýdnyıǵa jaıaý barmaq bolǵan.
Qazirgi ýaqytta jetkinshekter kámeletke tolmaǵandardy beıimdeý ortalyǵyna qaıtaryldy, olarmen psıholog mamandar jumys istep jatyr.
